Wednesday 30 December 2015

དད་གུས་དགའ་དྲན་སེམས་ཀྱི་དགའ་སྟོན། རང་རྩོམ།

དད་གུས་དགའ་དྲན་སེམས་ཀྱི་དགའ་སྟོན།


༡ རྗེ་བདག་ཉིད་ཆེན་པོའི་གསུང་བྱང་ཆུབ་ལམ་རིམ་ཆེན་མོ་དང་།
༢ རྗེ་བདག་ཉིད་ཆེན་པོའི་གསུང་ལམ་རིམ་འབྲིང་པོ།
༣ རྗེ་བདག་ཉིད་ཆེན་པོའི་གསུང་ལམ་རིམ་ཉམས་མགུར།
༤ རྒྱལ་མཆོག་སྐུ་ཕྲེང་གསུམ་པ་བསོད་ནམས་རྒྱ་མཚོའི་གསུང་ལམ་རིམ་གསེར་ཞུན་མ།
༥ རྒྱལ་མཆོག་ལྔ་པ་ཆེན་པོ་ངག་དབང་བློ་བཟང་རྒྱ་མཚོའི་གསུང་ལམ་རིམ་འཇམ་དཔལ་ཞལ་ལུང་།
༦ པཎ་ཆེན་སྐུ་ཕྲེང་དང་པོ་བློ་བཟང་ཆོས་རྒྱན་གྱི་གསུང་ལམ་རིམ་བདེ་ལམ།
༧ པཎ་ཆེན་སྐུ་ཕྲེང་གཉིས་པ་བློ་བཟང་ཡེ་ཤེས་ཀྱི་གསུང་ལམ་རིམ་མྱུར་ལམ།
༨ དྭགས་པོ་ངག་དབང་གྲགས་པའི་གསུང་ལམ་རིམ་ལེགས་གསུང་ཉིང་ཁུ་བཅས་ལམ་རིམ་ཁྲིད་ཆེན་བརྒྱད་དུ་ཡོངས་སུ་གྲགས་པའི་སྟེང་དུ།  ཕུར་ཅོག་ལམ་རིམ་ཚིགས་བཅད་མ་བཅས་ཀྱི་བཀའ་ཁྲིད་༧གོང་ས་མཆོག་གི་དྲུང་ནས་རྡ་སར་བོད་རྒྱལ་ལོ། ༢༡༡༡ ལོར་ཡང་དག་པ་ཞུས་ཐོབ་པ་དང་། 
     གཞན་ཡང་ད་བར་རང་ཉིད་ཀྱི་མི་ཚེའི་ནང་སྐྱབས་རྗེ་ཡོངས་འཛིན་རྣམ་པ་གཉིས་དང་། ༧གོང་ས་མཆོག་གི་དྲུང་ནས་དང་རྒྱ་གར་བོད་ཀྱི་གདན་ས་གསུམ་དང་། གནས་མཆོག་རྡོ་རྗེ་གདན། དྲང་སྲོང་ལྷུང་བའི་ཚལ། རྡ་རམ་ས་ལ་བཅས་སུ་མདོ་སྔགས་ཆོས་ཀྱི་ཟབ་ཁྲིད་དང་དབང་ལུང་མན་ངག་མཐའ་ཡས་པ་ཐོབ། 
     ལྷག་པར་གདན་སའི་ཚད་ལྡན་དགེ་བའི་བཤེས་གཉེན་༼དགའ་བྱང་མཁན་རིན་པོ་ཆེ་རྗེ་བཙུན་བསོད་ནམས་ཀུན་དགའ་མཆོག་དང་། རྒྱུད་སྨད་མཁན་ཟུར་དགའ་བྱང་རབ་འབྱམས་པ་རྗེ་བཙུན་བསོད་ནམས་རྒྱལ་མཚན་དཔལ་བཟང་པོ་མཆོག་དང་། དགའ་ལྡན་ཁྲི་ཐོག་ ༩༨པ་ དགའ་བྱང་རབ་འབྱམས་པ་༧རྗེ་འཇམ་དཔལ་གཞན་ཕན་དཔལ་བཟང་པོ།༽སོགས་དུ་མའི་དྲུང་ནས་རྒྱ་བོད་མཁས་པའི་གསུང་གཞུང་ཆེན་བཀའ་པོད་ལྔར་གྲགས་པ་དང་། རྒྱུད་སྨད་དུ་གསང་སྔགས་ཀྱི་འཁྲིད་ཆེན་བརྒྱད་བཅས་ཀྱི་ཟབ་ཁྲིད་ཐོབ་པ་སེམས་ཀྱི་དགའ་སྤྲོ་དང་དགའ་དད་གུས་གསུམ་གྱིས་རྗེས་དྲན་འོས་སོ།།